R&B singer nga si Ne-Yo, nagsulod na sa boxing

Nagsulod na sa patag sang boxing ang R&B singer nga si Ne-Yo.

Ini ang indi para mangin boksingero apang bilang manager ni Paul Bamba.

Nakatalana nga magakontra ang 35-anyos nga si Bamba kay Rogelio “Porky” Medina.

Pagahiwaton ang WBA Gold Cruserweight fight sang mga ini sa Disyembre 21 sa New Jersey.

May record si Bamba nga 18 nga kadalag-an, tatlo ka piyerde kag may 17 knockouts.

Ginpasalamatan sang boksingero ang singer bangud sa padayon nga suporta nga nababaton sini ilabi na sa training.