ROXAS CITY – Ginatugyan na lamang sang presidente sang Roxas City Tricycle Operators and Drivers Association (RCTODA) sa Sangguniang Panlungsod ang paghatag sang solusyon natuhoy sa pagdumili sang mga tricycle sa mga national roads.// Ini ang ginpahayag ni Mr. Wilson Devela sang ma-interview sang Bombo Radyo Roxas.
Suno kay Devela nga indi na bag-o para sa ila ang ginpapanaog nga Memorandum Circular No. 036-2020 sang Department of Interior and Local Government (DILG) bangud sang tuig 2018 nagtambong na ini sa isa seminar kag nahinalaan ang amo nga isyu.
Matapos ang pagtambong ni Devela sa nasambit nga seminar gilayon niya ini ginpalab-ot kay anay City Councilor Julius Abela apang wala ini mahatagan sang atensyon.
Nagapati si Devela nga dako ang mabulig sang Sangguniang Panlungsod sa pagdihon sang isa ka ordinansa kun diin lamang mahimo nga makabiyahe ang mga trisikol.
Gindugang pa sini nga indi lamang ang mga drivers kag operators ang posible maapektuhan bangud una diri nga apektado amo ang riding public.
Samtang suno kay Devela nga indi sang aplikable ang nasambit nga layi sa syudad sang Roxas bangud ang mga pumuluyo ang nagasalig lamang sa trisikol.
angud diri, nagapati si Devela nga mahimo nga makonsiderar sang DILG ang mga trisikol sa syudad sang Roxas sa tion nga may yara sang ginpapasar nga ordinansa ang Sangguniang Panglungsod.
