RCTODA, Nagalaum nga mag-abot na ang ginpromisa nga fuel subsidy sang gobyerno

Nagalaum ang Roxas City Tricycle Operators and Drivers Association nga mag-abot na ang ginpromisa nga fuel subsidy sang gobyerno.

Sa interview sang Bombo Radyo kay Joseph Soberano, spokesperson sang grupo, iya ginpahayag nga bisan indi suspesyente, makabulig sa gihapon ang subsidiya sa ila bangud sa padayon nga pagsaka sang presyo sang gatong.

Dugang pa ni Soberano, apektado gid ang mga tricycle driver bangud sa padayon nga pagtaas sang presyo sang gasolina, nga nagresulta sa manubo nga kita sa kada adlaw.

Nagapanawagan man ini sa gobyerno nga i-suspend ang excise tax sa krudo agud mapanubo ang gasto sang mga driver.