Natalana nga patigayunon buwas, Abril 8, 2026, sang Department of Social Welfare and Development (DSWD) ang Cash Relief Assistance nga kabahin sang Assistance to Individuals in Crisis Situation (AICS) program para sa mga operators kag drivers nga apektado sang padayon nga pagsaka sang presyo sang gasolina sa syudad.
Sa interview sang Bombo Radyo kay Joseph Soberano, spokesperson sang Roxas City Tricycle Operators & Drivers Association, iya ginpahayag nga yara sa halos 4,000 ka mga operators kag drivers ang ginalauman nga mangin benepisyaryo sang nasambit nga programa.
Suno kay Soberano, agud mangin hapsay kag hilway ang pagpanagtag sang cash assistance, kinahanglan dal-on sang mga operators ang d drivers lincense kag duha ka mga photocopy sini nga may perma bilang kabahin sang requirements.
Dugang pa sini, nga sa subong nga sitwasyon, dako gid nga bulig ang amo nga programa agud makapahagan-hagan sang galastuhan sang mga drivers.
