-- ADVERTISEMENT --
Nagapanghakroy ang mga myembro sang Roxas City Tricycle Operators & Drivers Association (RCTODA) sa posible nga pagsaka sang presyo sang gatong sa masunod nga semana.
Sa interview sang Bombo Radyo kay Joseph Soberano, Spokesperson sang amo nga asosasyon, iya ginpahayag nga apektado gid ang ila kita sa adlaw-adlaw nga operasyon kun magsaka ang presyo sang gasolina.
Ginahingyo sang grupo nga suspendihon anay ang excise kag epal tax sa gatong kag pagatun-an ang Oil Deregulation Law agud mas ma-control pagsaka sang presyo sang gatong.
Nahibaluan nga posible nga magalab-ot sa P10 kada litro ang pagsaka sang presyo sang gatong bangud sa nagapadayon nga tensyon sa Middle East.
