ROXAS CITY -Kumpyansa ang chairman sang Committee on Transportation and Public Utilies sa City Council nga wala sang kamatuoran ang ginasiling reklamo sang pila ka mga TODA officers nga kasubong pagpabudlay sa ila sa pagproseso sa renewal sang frankisa sang ila mga tricycle.
Ginpahayag ni City councilor Atty. Albert Gregory Potato nga bulan pa lamang sang Enero sang naglapta na ang amo nga reklamo rason nga nagpatawag sang committee hearing sa diin nagtambong man si Mr. Edgar Andrade, pinuno sang Tricycle Franchising and Regulatory Unit (TFRU) kag mga TODA officers.
Sa nasambit man nga paghinun-anon na-clarify ang reklamo sang mga natungdan kag nagguwa nga wala sang problema sa proseso nga ginapatuman sang TFRU.
Nakita nga ang problema yara sa mga nagapa-renew sang frankisa bangud madamo ang wala naka-intiende ukon wala nakahibalo sa proseso sang talatapan.
Kasubong na lamang sa sistema nga ginapatuman sang TFRU nga pagschedule sa mga franchise holders kun san-o sila maga-proseso agud malikawan ang pagginutok.
