Nakig-angut na si Davao City Representative Paolo “Pulong” Duterte sa quad committee nga nagapatigayon sang imbestigasyon may kaangtanan sa war on drugs, extra judicial kag Philippine Offshore Gaming Operators (POGO).
Suno kay Abang Lingkod Party-list Representative Joseph Stephen Paduano, nagpadala sang sulat si Representative Duterte kay Surigao del Norte Representative Robert Ace Barbers nga siya ang overall chairman sang quad committee.
Matandaan nga sa nagligd nga tatlo ka pagsinapol sang quad committee, gin-anggid ang pangalan ni anay Pangulong Duterte kag administrasyon sini sa operasyon sang ilegal nga droga, pagpapatay sa 3 ka mga Chinese drug lords nga nakahunong sa Davao Prison and Penal Farm sadtong 2016.
Naguha man sa hearing ang may kaangtanan sa operasyon sang Philippine Offshore Gaming Operators sang mga pangalan ukon personalidad nga may kaangtanan malapit kay anay Pangulong Duterte.
