Nagapati si Kabataan Partylist Representative Renee Louise Co nga may bastante nga basehan ang pagfile sang panibag-o nga impeachment complaint batok kay Vice President Sara Duterte.
Sa interview sang Bombo Radyo kay Representative Co, iya ginpahayag nga mahimo na nga magpasa sang impeachment case bangud nagahingapos na ang one year bar rule sa bulan sang Pebrero subong nga tuig 2026.
Suno kay Co, isa sa mga idugang nga basehan sa pagfile amo ang kwestyunable nga P125 million nga confidential fund nga isa ka daku nga palamangkutanon kun paano nakuha ang amo nga pondo nga isa ka installment.
Pahayag pa niya, kinahanglan sang masobra 1/3 nga pirma agud nga maka-proceed sa senado ang impeachment antes magpatigayon sang hearing.
Dugang pa sang natungdan, daku ang papel sang mga kabataan sa pagpanindugan sang kamatuoran kag pagpangayo sang transparency kag accountability sa tanan nga opisyal sang gobyerno.
INTERVIEWED BY: BOMBO ROADNIE DABAN DALANON
