Suportado ni Murang Pagkain Super Committee over-all Chair Joey Salceda ang tikang sang gobyerno nga magbaligya sang bugas sa balor nga ₱20 kada kilo nga programa sang Marcos administration.
Nagapati si Salceda, nga ang tikang nga ini amo ang may estratehiko nga balor, ilabi na sa isa ka rehiyon nga may pagtilaw sa logistics.
Suno kay Salceda, nagapabilin nga committed ang ila komitiba nga dapat ipatuman ang ini nga sahi sang programa sa mga lugar nga exposed sa price manipulation.
Bangud isa ang Visayas sa mga lugar nga logistically isolated, ginakabig nga makatarungan ang pagpatuman sini sa rehiyon.
Apang, ginhatagan niya sing importansya nga mas maayo nga himuon ini sa tig-alani agud malikawan ang negatibo nga epekto sa presyo sang farm gate.
Suno sa iya, apisar nga indi ini daku nga palaligban sa karon, dapat mangin preparado ang National Food Authority (NFA) sa ila mandato agud ma-establisar ang presyo sang bugas.
