BRAZIL – Natumba ang 24-metro nga replica sang Statue of Liberty sa guwa sang Havan megastore sa Guaíba, Brazil sang tinalikdan nga Disyembre 15,2025 matapos hambaluson sang mabaskog nga hangin tungod sang malain nga panahon.
Suno sa mga otoridad, wala sing nabalhag nga nasamaran sa insidente matapos mapahalin ang mga tawo kag salakyan sa palibot antes gilayon nga matumba ang amo nga estruktura.
Ang amo nga replica gintukod sang 2020 bilang kabahin sang branding sang Havan retail chain nga kilala sa pagtukod sang mga Statue of Liberty nga replica sa ila mga tindahan.
Nagpabilin nga buo ang konkreto nga base sang estatuwa bisan pa nagkaladagdag ang estruktura mismo, gani wala naapektohan ang nasambit nga building.
Ang pagkatumba ang narekord sa video kag naglapta sa social media, nga nagdala sang mabaskog nga diskusyon sa publiko.
Ang insidente isa lang sa mga kahalitan nga dala sang mabaskog nga bagyo sa rehiyon sang Rio Grande do Sul subong nga Disyembre.
