Ginapreparar na sang Department of Agriculture (DA) ang pagtapos sang nationwide consultations para sa malapnagon nga rebisyon sang Rice Tariffication Law (RTL).
Nagapati ang ahensya nga ang ini nga reporma ang makabulig agud malikawan ang pagsaka sang presyo sang humay, kag para sa mga mangunguma nga may bastante nga kita.
Suno kay Agriculture Secretary Francisco Tiu Laurel Jr., ang pagsinapol sa nagkalain-lain nga rehiyon, nga magatapos sa masunod nga semana, amo ang mangin basehan para sa pinal nga bersyon sang ginaduso nga mga pagbag-o nga igasumiter sa Kongreso.
Ang ini nga tikang angut sa direktiba ni Presidente Ferdinand R. Marcos Jr. nga mapasanyog ang pangabuhi sang mga mangunguma kag masiguro nga may barato kag dekalidad nga bugas para sa tanan.
Matandaan nga ang pag-uswag sang reporma nagdasig pagkatapos sang 2025 Quinta Hearings sa Kongreso, sa diin gin-aprubahan sang mga mamalidha kag mga stakeholders ang mga pagbag-o sa RTL sang 2024, nga subong isa na ka Republic Act No. 12078.
Nahibaluan nga ang pagbag-o sang kasuguan ang isa sa 44 ka mga importante nga butang nga ginarekomendar sang Legislative-Executive Development Advisory Council (LEDAC).
