ROXAS CITY – Nagpapanaog ang COMELEC sang resolution no.10747 nga nagamandatu sa mga on-going projects, infrastructure man ukon non-infrastructure kag diri nakasaad kun ano ang mga exemption nga mga proyekto kag ini ang pagahimuon halin Marso 25 tubtob Mayo 8.
Ini ang ginpahayag ni Mr. Louell Firmalino tagpamaba sang COMELEC-Capiz kag election officer sang banwa sang Pres. Roxas sang ini ang ma-interview sang Bombo Radyo.
Suno kay Firmalino, nga sadtong 2019 nga lokal kag nasyunal eleksiyon yara pa sa jurisdiction sa opisina sang election officer ang pag-file sang exemption sa mga on-going projects sa kada Local Government Unit (LGU) apang sa subong nga tuig para sa infrastructure project kinahanglan na sang kada LGU nga mag-file sang exemption sa campaign finance office direkta mismo sa main office sang COMELEC.
Ginpahayag man sini nga sa 16 ka mga LGU kag isa ka syudad halos tanan diri ang naka-file sang certificate of exemption sadtong Marso 23-25 sa campaign finance office didto sa Metro Manila.
Sa karun, nagahulat nalang ang kada LGU sang certificate of exemption nga iga-issue sang COF kag kun ila na ini mabaton i-copy furnish nila ang opisina sang election officer kag posible na nga mapadayon ang ila proyekto.
Samtang, pag-abot naman sa non-infrastructure maga-file naman liwat sang lain nga certificate of exemption kag ini ang ginapasa sa clerk of the commission kag ang mga COMELEC commissioners na sini ang naga-aprub kag naga-issue sang certificate para sa mga LGUs.
