Ginaduso sang pila ka mga mamalidha ang pagkilala sa nagtaliwan nga comedy icon nga si Dolphy bilang National Artist.
Nag-file sang House Resolution 41 si Manila 3rd District Representative Joel Chua subong nga Miyerkules, Hulyo 9 ukon isa ka adlaw antes ang pagdumdom sang ika-13 nga death anniversary sang komedyante.
Ang National Artist ang isa sa pinakamataas nga pagkilala nga ginahatag sa mga indibidwal nga may daku nga kontribusyon sa arte kag kultura sang Pilipinas.
Nasaad sa resolusyon ang pagpatigayon sang hearing sang mga committees on Creative Industries kag Basic Education & Culture agud pormal nga ma-nominate sang National Commission for Culture and the Arts ang nagtaliwan nga aktor nga si Rodolfo “Dolphy” Quizon Sr.
Nagtaliwan ang comedy King of Filipino movies sadtong 2012 bangud sa multiple organ failure kun sa diin ini ang ginlubong sa Heritage Park sa Taguig.
