Ginkumpirma sang Department of Justice (DOJ) nga ginatun-an sang maid-id ang resolusyon sa kaso nga grave threats and inciting to sedition batuk kay Vice President Sara Duterte.
Suno kay DOJ spokesperson Atty. Polo Martinez, may yara sang draft sang nasambit nga kaso apang paga-usisaon ini.
Ginakabig nga pending ang kaso bangud sa pagtuon sang mga division heads sang DOJ.
Matandaan nga sang Pebrero 2025, nagpasaka sang reklamo ang National Bureau of Investigation (NBI) bangud sa mga pamahog nga ginhimo ni Duterte sang Nobyembre 2024.
Sa nasambit nga pahayag, ginpahayag ni Duterte nga may gin-hire siya nga tawo agud patyon sanday Presidente Ferdinand Marcos Jr., First Lady Liza Marcos, kag House Speaker Martin Romualdez.
Gin-athag man ni Martinez nga bisan nagdeklara na si Duterte sang iya presidential run, indi maapektuhan ang nasambit nga kaso.
