Isa ka noodle restaurant sa Yeosu City, South Korea ang nangin sentro sang mainit nga debate online matapos hayag nga ginbalibaran ang mga customers nga nagakaon nga nagaisahanon ukon “solo diners”.
Ang restaurant nagbutang sang isa ka banner nga nagasiling: “Wala kami nagabaligya sang kasubo. Indi ka magkadto nga naga-isahanon.”
Naghatag man ini sang apat ka option para sa mga nagaplano nga magkaon sang isahanon: Magbayad para sa duha ka tawo, Magkonsumo sang duha ka porsiyon, Magtawag sa isa ka abyan, ukon (4 Magbalik sa masunod nga tion upod ang asawa.
Suno sa tag-iya, mas gusto nila nga pun-on ang mga lamesa sang mga grupo sangsa isa lang ka tawo agud mapadaku ang kita kag kapasidad sang pulungkuan.
Suno sa korte sang South Korea, yara na sa diskresyon sang tag-iya sang negosyo kon sin-o ang ila batunon bilang ila mga kustomer.
Madamu naman sang mga netizen ang nagreklamo sa social media.
Ginpahayag sang isa ka netizen nga masobra isa ka oras siya nga nagpila pero wala siya ginpasulod bisan may bakante nga lamesa.
May ginreport man nga insidente sa diin ang isa ka YouTuber ginsaway sang mga tinawo kag gindalidali sa iya pagkaon, bisan pa nga nag-order siya sang porsyon para sa duha ka tawo.
