Retired OFW, ginluthang patay sa sulod sang iya balay

Patay ang isa ka 65 anyos nga retired overseas Filipino worker (OFW) matapos ginluthang sa sulod sang iya balay sa Davila, Pasuquin, Ilocos Norte.

Padayon ang imbestigasyon sang Ilocos Norte police sa insidente.

Base sa Pasuquin police, yara sa kusina ang biktima kag nagapreparar sang palanyapunon sang gilayon na lang nga ginpaarakan luthang sang wala pa makilala nga suspek.

Sa ginpatigayon nga imbestigasyon sa crime scene, narekober ang anum ka mga basiyo sang bala sang kalibre .45, duha ka bala kag isa ka metal jacket fragment.

Gintinguhaan pa nga madala sa ospital ang biktima apang gindeklara nga dead on arrival.