ROXAS CITY – Gin-aprubahan na sang Provincial Development Council ang Annual Investment Program (AIP) para sa tuig 2020.
Ini ang ginpahayag ni Capiz Governor Esteban Evan Contreras sang ma-interview sang Bombo Radyo Roxas.
Suno kay Contreras nga ginrevised nila ang mga proyekto nga may yara sang duplication kag ginpainan pa sang pondo gikan sa 20% development fund sang AIP 2020.
Ginpahayag sini nga madamo sang mga alkalde nga nagtambong ang nagpamangkot kun ano ang rason nga wala nag-agi sa ila ang mga proyekto apang ginsabat ini sang gobernador nga yara sa iya ang desisyon kun ano nga barangay ang pagapainan sini sang pondo.
Gindugang pa sang gobernador nga may yara man sang pondo ang mga alkalde kag nagadependi naman ini sa ila kun sa diin nila iga-alokar ang ila nga pondo.
Samtang ginpahayag naman sang gobernador nga ginrevised nila ang 20% development fund sang AIP kag ginsigurado na sini nga wala na sang duplication sa mga proyekto.
