Ginaluman nga magalab-ot sa 5.6 million metric tons ang Rice imports sang Pilipinas sa tuig 2027, suno sa United States Department of Agriculture (USDA), bangud sa nagadamo nga populasyon kag demand sa bugas.
Ginabanta nga 5.5 million ang import subong nga tuig kag mahimo nga magtaas ini sang 100,000 MT sa 2027. Mas mataas ini kon ipaanggid sa ginabanta sang Department of Agriculture nga 4.8 million MT.
Sang 2025, ang importasyon sang bugas sang Pilipinas naglab-ot sa 3.37 million MT, samtang ang lokal nga produksyon ginalauman man nga magataas sa masunod nga mga tinuig.
Suno sa United States Department of Agriculture kag Department of Agriculture, ang Vietnam amo ng nagapabilin nga mayor nga supplier, kasunod sang kasugtanan sang Pilipinas para sa 1.5 million MT nga suplay tubtob tuig 2027.
