ROXAS CITY – Mabaton na sang mga 4Ps members ang rice subsidy sang gobyerno nga P600 sini nga bulan sang Marso.
Sa interview sang Bombo Radyo kay Department of Social Welfare and Development (DSWD) Usec Hope Hervilla, ginpahayag sini nga mabaton sini nga bulan sang mga aktibo nga benepisyaryo sang 4Ps ang dugang nga subsidiya sang gobyerno para masiguro nga may inugbakal sang bugas ang tagsa ka pamilya.
Magamonitor ang mga parent leader kag municipal link supervisors sa diin tinutuyo sang programa nga mabuligan ang tagsa ka pamilya nga pilipino.
Kasunod sini nagpahanumdum si Hervilla sa mga 4Ps beneficiaries nga indi na aktibo ukon wala na sa listahan sang DSWD matapos wala nagsunod sa pagsulundan sang ahensiya nga indi na sila kwalipikado para sa rice subsidy ng gobyerno.
Apang mahimo magparehistro sa financial assistance sustainable livelihood program sang DSWD para mahatagan sang kapital sa pagsugod sang negosyo.
