MANILA, Philippines – Nagpanawagan ang Amnesty International Philippines sang madali kag independente nga imbestigasyon sa ginahingadlan nga abuso sa implementasyon sang Anti-Terrorism Act.
Ini kasunod sang pagbasura sang kaso batok kay Sally Crisostomo-Ujano, nga gin-clear sang Court of Appeals ang akusasyon nga rebelion.
Suno sa pagbaliskad sang korte ang desisyon sang trial court nga naghatag sa iya sang 10 tubtob 17 ka tuig nga sentensya, kag siya ginpalaya sang Marso 26 matapos ang pila ka tuig nga detensyon.
Dugang naman sang rights group, ang kaso ni Ujano isa ka halimbawa sang ginatawag nga padayon nga harassment batok sa human rights defenders ukon aktibista.
Nagalaum naman ang natungdan sa gobyerno nga untaton ang pagpamahog kag pag-intimidate sa mga naga-serbisyo sa marginalized sectors kag repasuhon ang pareho nga mga kaso.
