BOMBO ROXAS – Pagasuguran na sa Lunes nga adlaw, Enero 18 ang pagpatigayon sang road clearing operation sa syudad sang Roxas ini matapos ang ginpatigayon nga Press Conference sang Road Clearing Task Force nga ginabug-usan sang City Engineer’s Office, Department of Interior and Local Government (DILG), Roxas City Police Station, Bureau of Fire Protection – Roxas City Fire Station, City Health Office, Traffic Management Unit (TMU) kag City Disaster Risk Reduction Office (CDRRMO) kag iban pa nga mga ahensya.
Suno kay City Engineer Noel Laminares, mangin sentro sang ila operasyon ang Teodoro Arcenas Trade Center (TATC), Burgos Talipapa, Roxas Avenue kag ang mga lugar nga may naga-upang sa dalan kag nagatuga sang gutok nga trapiko.
Ginpangabay man sang task force sa mga maapektuhan sang operasyon ang pagkooperar kag paghangup kag indi na magsupak pa agud malikawan nga mapapanaugan sang penalidad.
Sa matandaan sang tinalikdan nga tuig, ginmandu sang DILG national office ang temporaryo nga pag-untat sang road clearing bangud sa pandemya.
