Kun kaisa nagabatyag gid kita sang kapoy sa adlaw-adlaw naton nga gina-obra apang no choice bangud kinahanglan ta sang kwarta.
Apang napaminsaran niyo man bala nga mas mayo kuntani kun may robot nga makabulig sa aton adlaw-adlaw?
Posible ina nga matabo bangud may isa ka grupo nagikan sa University of Santo Tomas Faculty of Engineering naghimo sang isa ka robot nga makabulig sa mga healthcare workers sa pila ka mga buluhaton sa ospital.
Ang robot makadala sang mga dokumento, ukon mga suplay sang mga bulong, mag-disinfect sa ospital, kag maghimo sang remote consultation pinaagi sa isa ka tablet.
Suno kay Anthony James Bautista, lider sang proyekto kag nag-invent sang robot, ginhimo niya ang Robot nga may pangalan nga “LISA” sang pandemya sang tuig 2020.
Dugang pa ni James, makabulig si LISA kon may kulang nga healthcare workers sa isa ka ospital.
Sa suporta kag pondo gikan sa Department of Science and Technology-Philippine Council for Health and Research Development, nadugangan ang mga ikasarang ni “LISA”.
Sa bulig sang mobile app, makita man sang mga user ang lokasyon ni LISA.
