Sa subong nga panahon, tanan nga ginaubra sang tawo, ginaubra naman sang robot.
Kun sadto anay nagadumdom pa kita nga ang isa sa indi mahimo sang robot amo ang pagbusong, apang subong pati ang pagbusong masarangan na nila?
Nagtuga sang kontrobersiya ang labing-una nga humanoid surrogate robot sang China nga malapit na nga ilunsyar.
Suno kay Zhang Qifeng, CEO sang robotics startu, ang ila “humanoid pregnancy robot” ang malapit na nga matapos.
Ang robot may yara sang advanced nga “incubation pod” ukon artipisyal nga taguangkan.
Pahayag niya, ang robot ang makadala sang 10 ka bulan nga pagbusong kag makabun-ag sang isa ka lapsag, pareho sang isa ka tawo.
Sa sulod sang artipisyal nga taguangkan, ang embryo pagaatipanon sa amniotic fluid.
Apang gintawag ini sang mga kritiko nga “indi natural” bangud ginakuha sini ang koneksyon sang lapsag sa iya biological mother.
Samtang, madamo man ang nagsuporta sa ideya.
Ginakabig ini nga dako bga bulig ilabi na sa mga nabudlayan nga manamkon kag nagapahilway sa mga babaye sa pagbatyag sang kabudlay kag kasakait gikan sa pagbusong.
Nagpabutyag man sang pagpang-duha duha ang mga medical experts sa robot.
Suno sa ila, importante nga aspeto sang pagbusong sang tawo ang maternal hormone secretion kag immune system interaction nga indi mahimo sang isa ka robot.
