Good news sa mga motorista!
Gin-anunsyo sang pila ka kumpanya sang petrolyo ang pagnubo sa ila nga mga produkto sumugod buwas nga adlaw, Hulyo 1.
Sa separado nga abiso, ginpahayag sang Seaoil Philippines Corp. kag Shell Pilipinas Corp. nga magapatuman sila sang rollback nga P1.40 kada litro sang gasolina, P1.80 sa diesel, kag P2.20 sa kerosene.
Ang Cleanfuel magapatuman man sang pareho nga pagbuhin sa presyo magluwas sa kerosene nga amo ang wala sa ila nga produkto. Epektibo ang rollback sang Seaoil kag Shell halin 6:00 a.m. samtang ang Cleanfuel maganubo sang presyo sumugod 8:01 a.m. sa pareho nga adlaw.
Bisan maayo ini nga balita para sa mga motorista, indi sa gihapon lubusan nga mabawi ang asud-asod nga pagtaas sang presyo sa mga nakaligad nga semana—anom ka semana nga asud-asod para sa gasolina, apat para sa diesel, kag tatlo para sa kerosene.
Suno sa Department of Energy-Oil Industry Management Bureau (DOE-OIMB), ang ginalaumanan nga rollback ang tuga sang pagnubo sang krudo sa world market kasunod sang impormasyon nga tigil cease fire sa tunga sang Israel kag Iran.
Sang naggtaas ang presyo sang gasolina sang P3.50 kada litro, P5.20 sa diesel, kag P4.80 sa kerosene.
Padayon naman nga nagaaanunsyo ang iba pa nga kumpanya sang gaton sa mga masunodsunod nga adlaw.
