Rollback sa presyo sang gatong, lauman sa masunod nga semana

Good news sa mga motorista!

Lauman ang pagnubo sa presyo sang gatong sa masunod nga semana.

Suno kay Department of Energy-Oil Industry Management Bureau Assistant Director Rodela Romero, ang pagnubo sa presyo sang gatong ang base sa international oil trading sang nagligad nga apat ka adlaw.

Yari ang ginalauman nga price adjustments sa gatong;

*gasolina – ginabanta 17 centavos kada litro ang rollback

*diesel – ginabanta 54 centavos kada litro ang rollback

*kerosene – ginabanta 47 centavos kada litro ang rollback

Pahayag ni Romero, naka-contribute sa pagnubo sang presyo sang gatong amo ang pagtaas sang US inventory, kasugtanan sa tunga sang Israel kag Hamas sa first phase sang plano nga tapuson na ang away sa Gaza kag ang US government shutdown.