Lauman sang mga motorista ang rolbak sa presyo sang mga produkto nga petrolyo sa bisperas sang Bagong Tuig sa Martes, Disyembre 31.
Gintumo ang ini nga pagtaya sang industriya base sa international trading sa nakaligad nga apat ka adlaw, ginpahayag ni Department of Energy-Oil Industry Management Bureau Assistant Director Rodela Romero nga ang presyo sang gasolina, posible nga magnubo sang P0.30 tubtob P0.65 kada litro, sa diesel, P0.30 tubtob P0.55 kada litro, kag kerosene nga P0.80 tubtob P0.90 kada litro.
Ang final adjustments ang nakadepende sa resulta sang trading sang Biyernes.
Ang mga kompanya sang gatong ang masami nga naga-anunsiyo sang price adjustments kada Lunes, nga ila naman nga ginapatuman sa adlaw sang Martes.
Sang nakaligad nga Martes, Disyembre 24, ang presyo sang gatong, nagtaas sang P0.50 kada litro, diesel nga nagtaas sang P1.45 kada litro, kag ang kerosene P0.75 kada litro.
Year-to-date, ang presyo sang gatong kag diesel, nagtaas na sang P13.05 kada litro kag P11.30 kada litro, suno sa pagkasunod. Nagbalhag naman ang kerosene sang net decrease nga P1.80 kada litro.
