2 ka tuig nga bata, patay matapos nalumos sa tub nga may tubig

ROXAS CITY – Patay ang duha ka tuig nga bata matapos nalumos sa tub nga may tubig sa Barangay Carataya, Maayon, Capiz.

Suno kay Tatay Ernesto, amay sang biktima nga si ‘alyas Nene’, wala natalupangdan sang iya iloy ang biktima bangud masaku ini sa pagpaninlo sa sulod sang ila balay.

Ulihi na sang nakit-an nga nagalutaw ang biktima sa sulod sang tub nga may tubig.

Gindala pa sa Bailan District Hospital ang biktima apang gindeklarar nga dead-on-arrival sang attending physician.

Tuman naman ang pagpangasubo sang mag-asawa bangud sang nadangtan sang ila naga-isahanon nga anak.