-- ADVERTISEMENT --
Preparado na ang Roxas City Component City Police Station sa paalabuton nga Semana Santa.
Sa interview sang Bombo Radyo kay Police Chief Master Sergeant Ramil Arcangeles, spokesperson sang talatapan, iya ginpahayag nga nag-deploy na sila sang kapulisan sa mga pampublikong lugar lakip na merkado, pantalan, terminal, airports kag sa mga simbahan.
Suno kay Arcangeles, padayon man nga magalibot ang patrol car sa mga matawo nga lugar agud masiguro ang siguridad sang publiko.
Nagpaandam man ini nga bantayan ang ila mga gamit kag siguruhon nga naka-lock ang salakyan agud malikawan ang mabiktima sang mga kawatan.
