ROXAS CITY, CAPIZ- Nagpabutyag sang kasubo kag pagkabalaka si Roxas City Councilor Midelo Ocampo pagkatapos nga wala nakatambong ang 13 ka mga pamilya sa  negosasyon sang Roxas City Government may kaangtanan sa duta nga pagatindugan sang Double A Standard Slaughterhouse sa Barangay Dinginan.
Sa interview sang Bombo Radyo kay Councilor Ocampo, Chairman sang Committee on Housing and Urban Development, iya ginpahayag nga sa pagbisita niya sang nagligad nga semana kaupod ang composite team sang syudad agud personal nga makita ang sitwasyon sang lugar apang nagapamalabag ang pila ka mga pumuluyo.
Suno kay Ocampo, yara na sa City Government ang titulo sang duta kag may nakahanda na nga mga programa agud mabuligan ang mga apektado nga pamilya.
Pahayag pa niya, may 107 na ka pamilya nga nagpasugot nga maghalin sa lugar apang may 13 pa nga nagapanindugan nga indi maghalin.
Nahibaluan nga ang nasambit nga proyekto ang may yara sang P70 million grant halin sa Department of Agriculture.
Ginapangabay sang natungdan sa mga pumuluyo nga kuntani magtambong  sa mga ginapatawag nga pagsinapol agud mahangpan ang ila nga rason kag masolbar ang indi nila paghalin sa lugar.
Interviewed by Bombo Jessa Mae Siman De Los Santos
