Ginakabig nga matahum kag organisado sang Roxas City Government ang pagpatigayon sang labing una nga Licensure Examination for Professional Teachers o LEPT sa syudad.
Sa interview sang Bombo Radyo kay Mr. Melvin Galagate, head sang Roxas City Communication Group, iya ginpahayag nga nagdagsa sa syudad ang mga examinees nga halin sa Aklan, Antique, Iloilo kag iban pa nga lugar sa gwa sang Panay Island.
Suno kay Galagate, yara sa 1,174 ang kabug-usan nga examinees nga nagkadto sa Roxas City agud magkuha sang nasambit nga board examination.
Ginpahayag man sini nga padayon ang gihatagan pagtamod sang local government ang mga handum sang komunidad kag mahatag ang pinakamaayo nga serbisyo para sa mga pumuluyo kag mga bisita.
Nagpasalamat man ang Roxas City Government sa tanan nga nagbulig sa pagpatigayon sang Licensure Examination for Professional Teachers.
