ROXAS CITY -Antes pa man ang “Anti-Epal” policy sang Department of the Interior and Local Government (DILG), may yara na sang ginapatuman ang Roxas City Government nga pag-ban sa mga nawong sang public officials sa mga billboards kag signages sang government programs, projects, kag properties sang local government.
Ini pinaagi sa Executive Order No. 1. nga gin-issue ni Roxas City Mayor Ronnie Dadivas sang 2019 sa pagpungko sini bilang alkalde.
Ang tikang may yara sang katuyoan nga maguba ang ‘culture of patronage’ pinaagi sa pagpasiguro nga ang credit ang ginahatag sa mga taxpayer bangud sila ang nagapondo sang proyekto.
Sa subong, ang City Engineer’s Office ang nagapabilin nga responsible sa pag-monitor sang compliance kag pagkakas sang ano man nga iligal nga materyales nga nagalapas sa nasambit nga standard sang public service.
