Roxas city government, nabaton na ang 2,000 doses sang AstraZeneca COVID-19 vaccine nagikan sa donasyon

ROXAS CITY – Nabaton na sang Roxas City Government ang 2,000 AstraZeneca COVID-19 vaccine nga gindonar sang Gerry Roxas Foundation (GRF) kag ni anay DILG Sec. Mar Roxas.

Nag-abot ang amu nga bakuna kahapon sang aga kag ginsug-alaw ini ni Roxas City Mayor Ronnie Dadivas kaupod si first district Congressman Emmanuel “Tawi” Billones, board member Thea Faith Reyes, City Health Officer kag iban pa.

Nahibaluan nga pagagamiton ang nasambit nga mga bakuna sa mga eligible individuals nga taga syudad sang Roxas ilabi na ang masami nagaguwa agud magnegosyo ukon magtrabaho.

Dako naman ang pagpasalamat sang Alkalde sa nasambit nga donasyon nga makahatag sang proteksyon sa mga residente sang syudad.