ROXAS CITY – Ginalaoman nga malapit na lamang mangin operational ang kaugalingon nga Real-Time Polymerase Chain Reaction (RT-PCR) Test Laboratory sang probinsya sa Barangay Lanot, Roxas City.
Ini ang ginpahayag ni Dr. Ramon Nolasco, head sang Hospital Management Section sang mainterview sang Bombo Radyo.
Suno kay Nolasco nga ginahulat na lamang nga ma-comply sang probinsya ang mga nagakaigo nga mga rekisitos agud nga makakuha sang license to operate.
Ginpahayag man sini nga magapaidalom sa proficiency testing sang Department of Health ang nasambit nga laboratoryo.
Magluwas diri, nakapatigayon naman sang inspeksyon ang DOH sa amo nga RT-PCR Test Laboratory kag may yara lamang sang gamay nga suhestyon.
Ginpasiguro man ni Nolasco nga kumpleto na ang mga kagamitan nga kinahanglanon sang amo nga laboratoryo para sa pagpatigayon sang swab testing.
Nahibaluan nga nagalab-ot sa P17.5 million ang budget nga ginpain sang gobyerno probinsyal para sa nasambit nga laboratoryo.
