Nag-umpisa na ang comprehensive safety audit sang Maritime Industry Authority (MARINA) sa Aleson Shipping Lines matapos nga maglugdang isa nila ka mga passenger vessels nga M/V Trisha Kerstin 3 sa Baluk-Baluk Island sa Basilan.
Suno kay MARINA Administrator, Sonia Malaluan, wala sang ugar ang negligence kun safety sang mga pasahero kag crew members ang istoryahan.
Pahayag niya, indi mag-untat ang audit sa pag-inspect sa mga barko lamang bangud lakipan ini sang maid-id nga review kag validation sang bilog nga Sistema sang shipping company lakip na ang responsibilidad sang mga officers, crew kag supporting offices.
Dugang pa sang natungdan, ang safety management systems ang isa ka documented framework sang mga polisa, procedures kag instructions nga naga-outline sang responsibilidad sang mga opisyal kag crew.
