Salakyan sang SB member aksidente nga naatrasan sang dumptruck

ROXAS CITY – Aksidente nga naatrasan sang dumptruck ang salakyan nga ginamaneho sang isa ka SB Member sa Barangay Bunga, Mambusao, Capiz.

Naguba ang Toyota Innova nga salakyan ni SB member Matthew Hachuela sang Barangay Poblacion Ilaya, Dumarao kaupod ang abyan nga si Jubert Anas 35-anyos sang Poblacion Ilaya, Zarraga, Iloilo.

Ba-se sa imbestigasyon sang Mambusao PNP samtang ginasubay sang dumptruck nga ginamaneho ni Ronel Adremisen 29-anyos sang Barangay Pob Norte Sigma ang patakason nga porsyon sang dalan, hinali nalang napatay ang makina rason nga nadulaan sang kontrol kag aksidente nga naatrasan ang salakyan ni SB Member Hachuela.

Samtang maswerte naman nga wala sang may napilasan sa nagluntad nga aksidente.