ROXAS CITY – Gin-araro sang salakyan sang pulis ang isa ka balay sa Barangay Loctugan, Roxas City.
Ginkilala ang pulis nga si SPO2 Belton Llanda sang Panit-an, Capiz, detailed security aide ni Capiz Governor Antonio del Rosario.
Sa inisyal nga imbestigasyon sang pulisya gikan sa isa ka okasyon si SPO2 Llanda kag nagapauli na sang wala sini matalupangdan nga kurbadahon na nga dalan ang iya ginaagyan.
Hinali na lamang sini nga gin-araro ang balay nga ginapanag-iyahan ni Ricardo Abellar sang Sitio Quiabog, Barangay Loctugan, Roxas City.
Naguba ang porsyon sang bahay sang pamilya Abellar nga nagakatulog sang nagluntad ang aksidente.
Nakibot ang pamilya Abellar sang nabatian ang mabaskog nga tunog.
Sa pagguwa ni Abellar sa ila nga kuwarto, nakita na sini ang salakyan ni SPO2 Llanda nga nagsulod sa ila nga salak kag naguba ang tv, pulungkuan kag motorsiklo.
Samtang nagpangayo naman sang pasaylo ang nasambit nga pulis kag ginabaga ang pagpakaayo sa naguba nga sala kag pila ka mga kagamitan.
