Nagpaguha sang reaksyon si Star Sam Milby may kaangtanan sa video ni Miss Universe 2018 Catriona Gray sa concert sang singer-songwriter nga si TJ Monterde.
Mahibaluan nga sa latest episode sang isa ka fast talk, ginsiling ni Sam nga mabudlay para sa iya nga makit-an ang babaye nga iya ginpalangga nga nagahebi sa amu nga oras kung sa diin yara man siya sa concert.
Ilabi na suno diri nga pila lamang ka pungkuan ang agwat nila sang dalaga rason nga wala siya kahibalo kun paano mag-react.
Matandaan nga nakakuha ini sang nagkalain-lain nga reaksyon nagikan sa netizen samtang si Cat ang nagahebi kag kaangay nga kalmado lamang si Sam kag wala nakitaan sang anu man nga emosyon.
Apang kabaliktaran ang tanan suno kay Sam bangud pati siya indi komportable matapos makit-an nga nagahebi ang anay nobya.
Matandaan nga ginkumpirmar sang aktor nga madugay na sila nga bulagay ni Cat sadtong Pebrero pa.
