ROXAS CITY, CAPIZ- Magabulig sa pagmonitor kag pagpabilin sang kalinong kag katawhay sang publiko ang Samahan Defense Force Multiplier Roxas City Chapter sa palibot sang syudad sa tion sang Holiday Season.

Sa interview sang Bombo Radyo kay Felicisimo Ocbeña Jr., City Director sang Samahan Defense Force Multiplier Roxas City Chapter, iya ginpahayag nga ang ila nga grupo ang magapakigbahin sa pagbantay sa nagkalain-lain nga mga aktibidad sa syudad ilabi na ang nagahilapit nga Simbang Gabi.

Suno kay Ocbeña, ang ila nga grupo ang may yara sang 30 ka mga miyembro sa diin amo ang ma-roving sa palibot kaupod ang mga pulis agud mapabilin ang kalinong kag katawhay samtang nagaselebrar sang paskwa kag bag-ong tuig sa syudad.

Nahibaluan nga ang Samahan Defense Force Multiplier Roxas City Chapter, isa ka non-profit organization kag isa ka sahi sang volunteer group para sa kalinong kag katawhay sang palibot.

Interviewed by: Bombo Sunnie Mae Constantino Batencila