Ginpirmahan na ni King Maha Vajiralongkorn ang layi nga naga-legal sa same-sex marriage, suno sa official Royal Gazette.
Ang layi nga ini ang mangin epektibo pagkatapos sang 120 ka adlaw maghalin sang ini ang pirmahan, pwede na nga magpakasal ang mga same-sex couples magsugod sa bulan sang Enero 2025.
Pila ka tuig nga ginpakigbato ang layi tubtob sa malab-ot ini sa House of Representatives sang Abril kag Hunyo lamang.
Ginsabatas ang bilog nga legal, pinansyal kag medikal nga kinamatarong para sa magka-partner, apisar ano pa nga gender identity.
Sakop man sang layi nga ini ang paggamit sang gender-neutral terms kag paghatag sang kinamatarong nga mag-ampon kag magmana ang mga same-sex couples.
Sa pihak nga bahin, padayon nga ginpangindian sang parlyamento sang Thailand ang pagpalit sang gender identity sa pihak nga ang pungsod ang kilala nga nagabaton sa mga transgenders.
Ginakabig man ini sang kadam-an nga “monumental step” bangud pangatlo ang Thailand sa bilog nga Asia kag pinakauna sa Southeast Asia nga nagsabatas sang same-sex marriage.
