CAPIZ – Plano karon sang Sangguniang Panlalawigan nga magfile sang resolusyon agud ibalik ang operasyon sang STL sa probinsya sang Capiz.
Suno kay Board Member Ricky Martin nga himuon nila ang tanan agud mabuligan ang mga empleyado kag koridor sang STL nga nawad-an sang trabaho kasunod sang pagdula sang operasyon sini sa probinsya.
Nahibaluan nga ang STL man ang nagaserbi nga palangabuy-anan sang mga tawo.
Ginpahayag sini nga ila lamang nga kawsa amo nga makaangkon liwat sang trabaho ang mga pumuluyo.
Magluwas diri, dako man ang epekto sini pag-abot sa financial assistance nga ginahatag sang PCSO sa mga tawo.
Bangud diri, plano nila nga mag-request sa PCSO kun mahimo nga ibalik liwat ang operasyon sang STL sa probinsya.
Matandaan nga ginpauntat ni Presidente Duterte ang STL sang damlag lang bangud sa korupsyon nga nagahinabo apang ginbawi man sang presidente ang suspension sa Lotto samtang padayon sa gihapon ang imbestigasyon sa iban pa nga gaming corporations.
