ROXAS CITY – Ginpabutyag ni City Councilor John Paul Arcenas sa sesyon sang Sangguniang Panlungsod ang iya pagkadismaya bangud sa wala koordinasyon sang Department of Public Works and Highways (DPWH) sa gobyerno syudad angut sa ila ginakay-o nga mga karsada.
Bangud diri, magapatawag sang sinapol si Hon. John Paul Arcenas, Chairman sang Committee on Infrastructure, Public Works and Beautification kun sa diin ginkasugtanan man sang iya mga kaupod nga mga konsehal sang syudad.
Natalana ang pagsinapol sa Setyembre 1, alas-9 sa aga kun sa diin magapatigayon sang hinun-anon kaupod ang DPWH agud magpaathag sang ila mga proyekto sa syudad partikular ang pagkaayo sang dalanon kag kun ngaman wala ini sang koordinasyon sa city government.
Matandaan nagpalab-ot ang pila ka motorista bangud sa madugay nga nakatengga nga mga proyekto sa dalanon kun sa diin nagatublag kag nagapalala sa trapiko.
Nagalaom si Arcenas nga sa nasambit nga pagsinapol, mangin positibo na ang resulta kag mahatagan sang solusyon ang mga problema.
