-- ADVERTISEMENT --

Ginahingyo sang isa ka sanitation official ang publiko nga hatagan sang importansya ang paghatag sang luwas, malimpyo kag husto nga sanitation facilities agud maprotektahan ang ikaayong lawas.


Sa interview sang Bombo Radyo kay Engr. Joemarie Eugene L. Gonzalez, Sanitation Inspector IV sang Provincial Health Office, iya ginpahayag nga dapat may insakto nga sanitation bilang kabahin sang pagpproteher sa ikaayong lawas kag paghatag sang patas nga kahigayunan sa tanan.


Suno kay Gonzalez, ang kakulang sang luwas kag malimpyo nga CR mahimo magbutang sa peligro sa kababain-han kag kabataan bangud mahimo sila ma-expose sa nagkalain-lain nga balatian, kag pagpang-abuso.

Pahayag pa niya, indi lamang ang CR ang dapat hatagan sang importansya, kundi kinahanglan man nga may insakto nga suplay sang tubig, sabon kag pasilidad para sa menstrual hygiene agud masiguro ang kalimpyo kag seguridad sang mga nagagamit sini.

Dugang pa sa natungdan, importante man nga may partisipasyon sang tanan sa pagplano kag pagpatuman sang mga programa sa sanitation agud masiguro nga ang mga pasilidad nagasabat sa kinahanglanon sang tanan, lakip na ang mga tigulang kag persons with disabilities.

-- ADVERTISEMENT --