Urok, ginbun-ag nga may 2 ka lawas kag 8 ka tiil

ROXAS CITY – Ginkatingala sang mga residente sa Barangay Vizcaya, President Roxas, Capiz ang pagkabun-ag sang isa ka urok sang baboy nga may isa lamang ka ulo apang duha ka lawas kag walo ka mga tiil.

Ba-se sa inisyal nga impormasyon nga nakuha sang Bombo Radyo News Team, ginakakibot na lamang sang mga residente sang nagguha ang tumalagsahon nga dagway sang urok.

Mapagros pa ang nasambit nga urok apang makaligad ang pila ka oras, gilayon man ini nga napatay.

Ginapatihan nga ‘undeveloped twin’ ukon kapid nga wala mahimo sa tagu-angkan ang nasambit ng urok.

Ang nasambit nga urok ang isa lamang sa siyam ka mga mapagros nga urok nga ginbun-ag man sang nasambit nga baboy.