Ginpasidunggan ang Sapian Municipal Police Station matapos makab-ot sa 100% nga compliance sa Project RTT 3389 ukon Restrict, Track and Turn-In.
Sa interview sang Bombo Radyo kay Police Lieutenant Steve Ian H. Bautista, Officer-in-Charge sang Sapian Municipal Police Station, iya ginpahayag nga personal niya nga ginbaton ang Medalya ng Papuri bilang pagkilala sa ila nalab-ot nga resulta.
Suno kay Bautista, 11 ka mga loose firearms ang boluntaryo nga ginsurender sa ila.
Ginpahayag man sini, nga ang mga loose firearms naghalin sa 10 ka barangay sang banwa paagi sa koordinasyon sang kapulisan, barangay officials kag mga residente.
Padayon ang koordinasyon sang Sapian MPS sa mga barangay officials kag iban pa nga stakeholders agud mapasangkad pa ang kampanya batok sa loose firearms kag mapadayon ang kalinong kag seguridad sa banwa.
