Gin-anunsyo ni Vice President Sara Duterte nga magapadalagan ini sa pagka-presidente sa 2028 national elections.
Antes pa man ang press conference, nagmandu si Duterte nga kakason ang logo sang Office of the Vice President sa podium.
Wala man siya nagsabat sa mga pamangkot sang reporters pagkatapos sang iya nga speech.
Suno kay Vice President Duterte, nagapangayo siya sang pasaylo sa mga Pilipino bangud sa pagbulig kay President Ferdinand Marcos Jr., nga ma-eleher bilang Presidente sang pungsod.
Pahayag niya, napaslawan si Marcos nga tumanon ang iya ginpromisa kag trabaho.
Dugang pa sang natungdan, nagpanaog siya sa iya Cabinet post matapos magdesisyon nga indi niya masuportahan ang 2025 national budget nga ginlaragway sini nga mantsa sang kurapsyon.
Ginpaabot naman sang bise presidente nga ang iya resignation ang mangin resulta sang impeachment.
Sa lima ka pahina sang speech ni Duterte, nalista ang mga ginatawag sini nga failures sang administrasyon lakip na ang padayon nga pagbaha, mataas nga presyo sang balaklon, food insecurity, mahina nga healthcare system, pigado nga imprastraktura kag ang nagapadayon nga krimen kaangay sang iligal nga droga kag terorismo.
