SB19, nakatalana nga magpaguha sang bag-o nga kanta

Nakatalana nga magpaguha sang bag-o nga kanta ang Pinoy group nga SB19.

Sa social media account sang grupo, ginpasilip nila ang teaser sang bag-o sini nga proyekto.

Iga-release ang nasambit nga bag-o nga kanta sa palaabuton nga Pebrero 28 nga pagasundan sang pagpaguha man sang kanta nga “Simula at Wakas” sa Abril 5.

Gin-anunsiyo man nila ang liwat nga pagsugod sang mga concerts sa palaabuton nga Mayo 31.

Matandaan nga sang 2020 sang ginpaguha nila ang una nga album nga “Get in the Zone” nga ginsundan sang kanta nga “PAGSIBOL” sang 2021 kag ikaduha nga album nga “Pagtatag” sang Hunyo 2023.