CAPIZ – Gin-lift na sang Philippine Coast Guard-Capiz ang sea travel advisory bangud sang Bagyo Basyang.
Sa interview sang Bombo Radyo kay Ensign James Reuben Evangelista Jr., Deputy Commander Admin sang Philippine Coast Guard-Capiz, iya ginpahayag nga bangud ginkakas na ang probinsya sang Capiz sa Tropical Wind Signal no. 1, rason nga gin-lift man ang amo nga advisory.
Suno kay Evangelista, balik na sa normal nga byahe ang tanan nga barko kag ang tanan nga mga na-stranded ang nakahalin na sa pantalan.
Pahayag pa niya, wala man sila sang nabalhag nga naglapas sa pagpalawod sa tion sang pag-agi sang Bagyo Basyang.
Nagpahanumdom man ang natungdan sa publiko nga padayon nga mangin aligmat kag siguruhon ang kaluwasan sang pamilya sa tion sang kalamidad.
INTERVIEWED BY: BOMBO ROADNIE DABAN DALANON VIA ZONA LIBRE
