ROXAS CITY – Gin-resume ang search and retrieval operation sa nagapabilin nga missing person tubtob sa karon, matapos ang pagkabunggo kag pagka-ubon sang duha ka mga baroto nga sakay ang 18 ka mga persona sa Poblacion Ilawod, Panit-an, Capiz sang Abril 13.
Ang wala pa makita tubtob subong amu si Brgy. Kagwad Alberto Duron, sang Balatucan, sa nasambit nga banwa.
Matandaan nga natigayon nga ma-rescue ang 13 ka mga persona, samtang 4 na ang nasapwan-patay.
Ginpatigayon ang amu nga search and retrieval operation sang gintingub nga puwersa sang 603rd CDC ARESCOM PA, Panitan Municipal Police Station, Panitan Fire Station, Coast Guard Station Capiz, PCG K-9 UNIT, PCG Special Operations Group (SOG), Panitan Emergency Action Team (PEAT), Capiz Emergency Response Team (CERT), kag CAPSU DRRM.
