Search, rescue kag retrieval operations mga biktima sang linog sa Cebu, natapos na

Natapos na ang search, rescue kag retrieval operations sa mga biktima sang magnitude 6.9 nga linog sa Cebu.

Ini ang ginpahayag sang Office of Civil Defense sa diin nakarekord sang 73 ka tawo na ang patay.

Antes pa man natapos ng operations, nangin mabudlay pa ang pagpangita sa mga biktima bangud kinahanglan sang mga responders nga maggamit sang jackhammers kag iban nga heavy equipment.

Pila sa mga biktima nga nakuha sang mga responders amo ang bata nga lalaki kag iloy sini nga napilpilan sang ila two-storey pension house.

Samtang, ang mga pasyente sang Cebu Provincial Hospital ang nagapabilin sa gihapon sa guwa sang facility sa pihak sang pagdeklara sang structural engineers nga safe na ini.