Ginpabugal sang Securities and Exchange Commission (SEC) ang mataas nga company registration nila sadtong nakaligad nga tuig.
Nahibaluan nga naglab-ot sa 52,304 ang numero sang mga bag-o nga nagparehistro nga mas mataas sang anom ka porsyento sadtong 2023 nga may 49,506.
Ginpahayag ni SEC chairman Emilio Aquino nga ang paglapaw sang 50,000 nga numero sa company registrations ang nagapamatuod lamang nga yara sila sa linya para mangin legal ang mga registration sang mga kumpanya.
Naghanot man sa 527, 710 nga mga kumpanya ang nagparehistro na sa SEC sa pagtakop sang 2024.
Nagpanguna naman ang Metro Manila sa may pinakamadamo nga mga bag-o nga nagparehistro nga ginsundan sang Calabarzon kag Central Luzon.
Ginapanami na nila sa karon ang ila nga digital transformation para mapadasig ang pagparehistro kag mapalapit sa mga tawo ang pagparehistro sang ila nga kumpanya.
